ҚАЗАҚСТАН РЕСПУБЛИКАСЫ ҚАРЖЫ МИНИСТРЛІГІНІҢ МЕМЛЕКЕТТІК КІРІСТЕР КОМИТЕТІ

Баспасөз-релизі

Мемлекеттік кірістер комитетінде сыбайлас жемқорлық көріністерінің азайғандығын айтуда.

     «Бүгін біз қабылданған шаралар өз нәтижелерін бере бастағанын және мемлекеттік кірістер органдарында сыбайлас жемқорлық деңгейінің төмендегенін айта аламыз», - деді ҚР ҚМ Мемлекеттік кірістер комитетінің ресми өкілі Мұрат Жұманбай ведомстваның дәстүрлі брифингісінде.

Ол ағымдағы жылдың 9 айында өткен жылдың осы кезеңімен салыстырғанда мемлекеттік кірістер органдарының қызметкерлеріне тіркелген сыбайлас жемқорлық соталды тергеу материалдарының саны 37%-ға (294-тен 185-ке) төмендегенін және олардың 120 біздің ішкі қауіпсіздік бөлімдерімен немесе басқа құқыққорғау органдарымен бірлескен шаралар нәтижесінде анықталғандығын атап өтті.

Пара алу фактілері мемлекеттік кірістер жүйесінде 2 есе (88-ден 45-ке) азайған.

Бұл жағымды өзгерістердің себептері ретінде МКК ресми өкілі вдомстваның сыбайлас жемқорлыққа қарсы жұмысын түбегейлі қайта қарағандығын айтты.

Егер бұрындары сыбайлас жемқорлық қақарсы іс-қимыл айыпты тұлғаларды қылмыстық жауапкершілікке тарту арқылы оның салдарымен күреске бағытталған болса, қазір алдын-алуға баса назар аударылуда.

М.Жұманбай М сыбайлас жемқорлық жасап әшкереленген қызметкерлердің тікелей басшыларының жауапкершілігі қатаңдатылғандығы айтып өтті. Осы жылдың басынан қарамағындағылардың жұмысына бақылау жасамағаны үшін 44 басшы тәртіптік жауапкершілікке тартылды. Оның ішінде 4-і төмен қызметке ауыстырылды, бірқатары лауазымнан босатылды.

Ұсақ бұзушылықтар және мемлекеттік қызметтің беделін түсіретін теріс қылықтар үшін тәртіптік жауапкершілік күшейтілді.

Ағымдағы жылғы 9 айда 3,5 мыңнан аса лауазымды тұлға тәртіптік жазаға тартылды, оның 64-і жұмыстан қуылды (2015 ж. 9 ай – 3014 қызметкер жазаланды, 42 жұмыстан шығарылды).

Мемлекеттік қызметтің беделін түсіретін теріс қылықтар үшін 45 (35) адам жазаланды, оның 12 жұмыстан

Сонымен қатар, М.Жұманбай Мемлекеттік қызметтер мен бақылау-рұқсат беру функцияларының көп шоғырлануына орай мемлекеттік кірістер органдарының қызметі бүгінгі күні сыбайлас жемқорлық тәуекелдері кездесетін салалардың біріне жататындығын мойындады.

«Қатаң қылмыстық жауапкершілікке пара алатын шенеуніктермен қатар пара беретін тұлғалар да тартылады» - деді ҚР ҚМ Мемлекеттік кірістер комитетінің ресми өкілі Мұрат Жұманбай ведомстваның дәстүрлі брифингісінде.

Мемлекеттік кірістер комитеті сыбайлас жемқорлықпен күреске уәкілетті органмен бірлесіп, кәсіпкерлер мен сыртқы экономикалық қызметке қатысушылар тарапынан пара беру фактілерін анықтау жұмысын жандандырды.

«Басқа сөзбен айтқанда, біздің қызметкерлерге пара беретіндерді жауапқа тартуды қолға алдық», - деп атап өтті МКК ресми өкілі.

Өткен жылдан бастап мемлекеттік кіріс орагнадарының қызметкерлеріне пара берудің 25 фактісінің жолын кесілді.

Бүгінгі күні пара берушілердің жартысынан көбі (14) сотталды. Оларға айыппұл төлеу немесе бас бостандығынан айыру жазалары қолданылды.

Мысалы, 30 млн.теңге айыппұл төлеуге "Газовое хозяйство Шымкент-Газ" ЖШС директоры Юсупов С. сотталды. Ол Оңтүстік Қазақстан облысы бойынша МКД Экономикалық тергеулер қызметінің тергеушісіне қылмыстық іс бойынша оң шешім шығару үшін 1 млн.теңге пара берген.

«Осылайша, біз салықтөлеушілер мен сыртқы экономикалық қызметке қатысушыларға Мемлекеттік кірістер комитеті пара беру фактілерімен қатаң күресетіндігі және барлық сұрақтарды заңды жолмен шешуге бел буғандығын нақты көрсетіп отырмыз», - деп сөзін түйіндеді М.Жұманбай.