Қазақстан Республикасы Қаржы министрлігі Мемлекеттік кірістер комитетінің Оқу-әдістемелік орталығы туралы ереже

1-тарау. Жалпы ережелер

      1. Қазақстан Республикасы Қаржы министрлігі Мемлекеттік кірістер комитетінің Оқу-әдістемелік орталығы (бұдан әрі – Оқу-әдістемелік орталығы), мемлекеттік кірістер органдарының қызметкерлерін даярлау, қайта даярлау және біліктілігін арттыру жөніндегі функцияларды орындауға уәкілетті Қазақстан Республикасы Қаржы министрлігі Мемлекеттік кірістер комитетінің (бұдан әрі – Комитет) мамандандырылған мемлекеттік мекемесі болып табылады.

      2. Оқу-әдістемелік орталығы өз қызметін Қазақстан Республикасының Конституциясына және заңдарына, Қазақстан Республикасы Президентінің және Үкіметінің актілеріне, өзге нормативтік құқықтық актілерге, сондай-ақ осы Ережеге сәйкес жүзеге асырады.

      3. Оқу-әдістемелік орталығы республикалық мемлекеттік мекеменің ұйымдастыру-құқықтық нысанындағы заңды тұлға болып табылады, қазақ тілінде өз атауымен мөрлері және мөртабандары, белгіленген үлгідегі бланкілері, сондай-ақ Қазақстан Республикасының заңнамасына сәйкес Қазақстан Республикасы Қаржы министрлігінің қазынашылық органдарында шоттары болады.

      4. Оқу-әдістемелік орталығы өз атынан азаматтық-құқықтық қарым-қатынастарға түседі.

      5. Оқу-әдістемелік орталығы, егер Қазақстан Республикасының заңнамасына сәйкес оған уәкілеттік берілсе, мемлекет атынан азаматтық-құқықтық қарым-қатынастардың тарапы ретінде түсуге құқығы бар.

      6. Оқу-әдістемелік орталығы өз құзыретінің мәселелері бойынша заңнамада белгіленген тәртіппен Оқу-әдістемелік орталығы басшысының бұйрықтарымен және Қазақстан Республикасының заңнамасында көзделген басқа да актілерімен ресімделетін шешімдерді қабылдайды.

      7. Оқу-әдістемелік орталығының құрылымын және штат санының лимиті Қазақстан Республикасының заңнамасына сәйкес бекітіледі.

      8. Оқу-әдістемелік орталығының орналасқан жері: пошта индексі 010000, Қазақстан Республикасы, Астана қаласы, Сарыарқа ауданы, Республика даңғылы, 60.

      9. Оқу-әдістемелік орталығының толық атауы: "Қазақстан Республикасы Қаржы министрлігі Мемлекеттік кірістер комитетінің Оқу-әдістемелік орталығы" Республикалық мемлекеттік мекемесі.

      10. Осы Ереже Оқу-әдістемелік орталығының құрылтай құжаты болып табылады.

      11. Оқу-әдістемелік орталығының қызметін қаржыландыру республикалық бюджеттен жүзеге асырылады.

      12. Оқу-әдістемелік орталығына Комитет өкiлеттіктерi болып табылатын міндеттерді орындау мәніне кәсіпкерлік субъектілермен шарттық қатынастарға түсуге тыйым салынады.

      Егер Оқу-әдістемелік орталығына заңнамалық актілермен кіріс әкелетін қызметті жүзеге асыру құқығы берілсе, онда мұндай қызметтен алынған кіріс мемлекеттік бюджетке жолданады.

2-тарау. Оқу-әдістемелік орталығының міндеттері, құқықтары мен міндеттемелері

      13. Міндеттері:

      1) мемлекеттік кірістер органдарының жаңадан қабылданған қызметкерлерді даярлау оқыту процесін олардың кәсіби білімі мен дағдыларын алу мақсатында ұйымдастыру және қамтамасыз ету;

      2) халықаралық стандарттарға сәйкес мемлекеттік кірістер органдарының қызметкерлерін қайта даярлау және біліктілігін арттыру;

      3) мемлекеттік кірістер органдарының зияткерлік, мәдени және адамгершілік дамуымен білікті кадрлармен қажеттілігін қанағаттандыру, Қазақстан Республикасының кеден, салық және өзге заңнамалары саласында дағдыларға ие болу;

      4) кәсіби даярлаудың мемлекеттік және халықаралық білім беру стандарттарын оқу процесі барысында игеру және іске асыру;

      5) мемлекеттік кірістер органдары қызметкерлерінің кәсіпқойлығын арттыру мақсатында білімді тарату және беру;

      6) Дүниежүзілік кеден ұйымына (бұдан әрі – ДКҰ) мүше мемлекеттердің кеден қызметі бойынша мемлекеттік кірістер органдарының қызметкерлерін оқыту бойынша халықаралық ынтымақтастықты және өзара іс-қимылды дамыту;

      7) Қазақстан Республикасының заңнамасында көзделген өзге де міндеттерді орындау.

      14. Оқу-әдістемелік орталығының құқықтары және міндеттемелері:

      1) құқықтары:

      Қазақстан Республикасының және шет мемлекеттерінің кеден, салық және өзге заңнамасын қолдану практикасын талдау және қорытындылау, сондай-ақ кеден және салық заңнамасын жетілдіру бойынша ұсыныстар енгізу;

      өз құзыреті шегінде мемлекеттік кірістер органдарының қызметкерлерін даярлау, қайта даярлау және біліктілігін арттыру мәселелері бойынша мемлекеттік және өзге органдарымен, сондай-ақ шет мемлекеттердің, халықаралық ұйымдардың құзыретті органдарымен өзара іс-қимыл жасау;

      ұйымдастыру құрылымы, Оқу-әдістемелік орталығы қызметкерлерінің жұмысын ұйымдастыру мен еңбегін ынталандыру нысанын айқындау бойынша ұсыныстар әзірлеу;

      Оқу-әдістемелік орталығының қызметкерлерін қызметтік іссапарларға жіберу;

      құзыреті шегінде басқа да оқу орындарымен, Қазақстан Республикасының және басқа да мемлекеттердің мекемелерімен мемлекеттік кірістер органдары қызметкерлерін даярлау, қайта даярлау және біліктілігін арттыру мәселелері бойынша өзара іс-қимыл жасау;

      Қазақстан Республикасының заңнамасымен көзделген өзге де құқықтарды жүзеге асыру;

      2) міндеттемелер:

      материалдық-техникалық және әлеуметтік базаны дамыту;

      мемлекеттік кірістер органдарының қызметкерлерін даярлау, қайта даярлау және біліктілікті арттыру жүйесін жетілдіру бойынша ұсыныстар енгізу;

      Қазақстан Республикасының заңнамасымен белгіленген тәртіпте талдау, оқу және баспа қызметін жүзеге асыру;

      мемлекеттік кірістер органдарының қызметкерлерін жоғары деңгейде оқытуды, қайта оқытуды жүзеге асыру;

      сыбайлас жемқорлық құқық бұзушылықтарды дербес анықтау, жолын кесу, ескерту бойынша жұмыстар жүргізу;

      Оқу-әдістемелік орталығында сыбайлас жемқорлық құқық бұзушылықтардың алдын алуға бағытталған іс-шараларды жүргізу;

      Оқу-әдістемелік орталығы қызметкерлерінің біліктілігін арттыруды тұрақты негізде қамтамасыз ету;

      Қазақстан Республикасының заңнамасымен көзделген өзге де міндеттемелерді жүзеге асыру.

      15. Функциялар:

      1) мемлекеттік кірістер органдарының қызметкерлерін даярлауды, қайта даярлауды және біліктілігін арттыруды ұйымдастыру және қамтамасыз ету;

      2) оқыту сапасын ұдайы жақсарту, оқу процесін ұйымдастыру нысандары мен әдістерін жетілдіру негізінде мемлекеттік кірістер органдарының қызметкерлерін даярлау, қайта даярлау және біліктілікті арттыруды ұйымдастыру және жүзеге асыру;

      3) Қазақстан Республикасының кеден, салық және өзге заңнама саласында мемлекеттік кірістер органдарының қызметкерлерін оқыту процесін ұйымдастыру;

      4) Қазақстан Республикасы мемлекеттік кірістер органдарының жаңадан қабылданған лауазымды адамдарын, олардың алғашқы кәсіби білім мен дағдыларды алуы мақсатында кәсіби бейімделуінің оқыту процесін ұйымдастыру және қамтамасыз ету;

      5) даярлаудан (қайта даярлау) өткен тыңдаушылардың кәсіби білім деңгейін кешенді бағалау, одан әрі оқыту процесінде пайдалану үшін ұсынымдарды талдау және әзірлеу;

      6) электрондық кітапхананы дамыту және оның қорын шетел мемлекеттердің кеден, салық және өзге заңнама саласындағы нормативтік құқықтық актілерімен, оқу-әдістемелік әдебиеттерімен, сондай-ақ Қазақстан Республикасының және ДКҰ мүше шетел мемлекеттерінің мерзімді әдебиеттерімен толықтыру;

      7) бөлінген бюджет қаражаты шеңберінде семинарлар, конференциялар, кеңестер ұйымдастыру және өткізу;

      8) жұмыс оқу бағдарламаларын және жұмыс оқу жоспарларын әзірлеу және бекіту;

      9) оқу процесіне жаңа технологияларды енгізу;

      10) мемлекеттік кірістер органдарының кадрларын дайындау және арттыру бойынша халықаралық тәжірибені пайдалану;

      11) ДКҰ Еуропа өңірі мемлекеттерінің кеден қызметтері өкілдерінің қатысуымен халықаралық семинарлар мен курстар өткізу;

      12) оқу материалдық-техникалық және әлеуметтік-тұрмыстық базасын дамыту және жетілдіру;

      13) мемлекеттік кірістер органдарының қызметкерлерін қашықтықтан оқытуды ұйымдастыру және өткізу;

      14) Комитет қызметінің өзекті бағыттары бойынша талдау жұмыстарын ұйымдастыру және жүргізу;

      15) Қазақстан Республикасының заңнамасымен көзделген өзге де функцияларды жүзеге асыру.

3-тарау. Оқу-әдістемелік орталығы басшысының оның қызметін ұйымдастыру кезіндегі мәртебесі мен өкілеттіктері

      16. Оқу-әдістемелік орталығына жүктелген міндеттердің орындалуына және оның өз функцияларын жүзеге асыруға дербес жауапты болатын басшы Оқу-әдістемелік орталығына басшылықты жүзеге асырады.

      17. Оқу-әдістемелік орталығының басшысы Қазақстан Республикасының заңнамасына сәйкес лауазымға тағайындалады және лауазымнан босатылады.

      18. Оқу-әдістемелік орталығы басшысының Қазақстан Республикасының заңнамасына сәйкес лауазымға тағайындалатын және лауазымынан босатылатын орынбасарлары болады.

      19. Оқу-әдістемелік орталығы басшысының өкілеттіктері:

      1) Оқу-әдістемелік орталығы өз орынбасарларының, бөлім басшылары мен қызметкерлерінің міндеттемелері мен өкілеттіктерін айқындайды;

      2) Оқу-әдістемелік орталығының қызметкерлері Қазақстан Республикасының заңнамасына сәйкес лауазымға тағайындалады және және лауазымынан босаталады;

      3) Қазақстан Республикасының заңнамасында белгіленген тәртіппен тәртіптік жауапкершілік шаралары қолданылады;

      4) Оқу-әдістемелік орталығы құрылымдық бөлімшелерінің ережелерін бекітеді;

      5) Оқу-әдістемелік орталығы штат саны лимитінің шегінде Оқу-әдістемелік орталығының штаттық кестесін бекітеді;

      6) Қазақстан Республикасының заңнамасында белгіленген тәртіппен Оқу-әдістемелік орталығы басшысының орынбасарларын, қызметкерлерін іссапарға жіберу, еңбек демалысын ұсыну, материалдық көмек көрсету, даярлау (қайта даярлау), біліктілікті арттыру, көтермелеу, үстемеақы және сыйақы төлеу мәселелерін шешеді;

      7) құзыреті шегінде жеке сипаттағы құқықтық актілеріне қол қояды;

      8) Оқу-әдістемелік орталығын барлық мемлекеттік органдарда және өзге де ұйымдарда білдіреді;

      9) сыбайлас жемқорлыққа қарсы іс-қимыл бойынша дербес жауапты болады;

      10) Комитетке ұсынатын ақпараттың анықтығы үшін дербес жауапты болады;

      11) Қазақстан Республикасының заңнамасымен көзделген өзге де өкілеттіктерді жүзеге асырады.

      Оқу-әдістемелік орталығының басшысы жоқ болған кезеңде оның өкілеттіктерін атқаруды Қазақстан Республикасының қолданыстағы заңнамасына сәйкес оны алмастыратын адам жүзеге асырады.

      20. Оқу-әдістемелік орталығының басшысы қолданыстағы заңнамасына сәйкес өз орынбасарларының өкілеттіктерін айқындайды.

4-тарау. Оқу-әдістемелік орталығының мүлкі

      21. Оқу-әдістемелік орталығы заңнамасында көзделген жағдайларда оқшауланған мүлкті жедел басқару құқығы болуы мүмкін.

      Оқу-әдістемелік орталығының мүлкі, оның меншігіне берілген, сондай-ақ меншіктік қызметтері нәтижесінде және Қазақстан Республикасының заңнамасымен тыйым салынбаған өзге де көздерден алынған мүліктер есебінен (ақша кірістерін қоса алғанда) қалыптастырылады.

      22. Оқу-әдістемелік орталығының бекітілген мүлік республика меншігіне жатады.

      23. Оқу-әдістемелік орталығының өзіне бекітілген мүлікті және қаржыландыру жоспары бойынша берілген құралдар есебінен алынған мүлікті, егер заңнамада өзгеше белгіленбесе, дербес иеліктен шығаруға немесе өзге тәсілмен билік етуге құқығы жоқ.

5-тарау. Оқу-әдістемелік орталығын қайта ұйымдастыру және тарату

      24. Оқу-әдістемелік орталығын қайта ұйымдастыру және тарату Қазақстан Республикасының заңнамасына сәйкес жүзеге асырылады.