2023 жылғы 14-16 ақпан аралығында Алматы қаласында Қазақстан Республикасының халықаралық әуежайларында радиациялық бақылауды жүзеге асыру кезіндегі ведомствоаралық өзара іс-қимыл мәселелері бойынша семинар-кеңес өткізілді. Іс-шараны Қазақстан Республикасының құзыретті мемлекеттік органдарымен өзара іс-қимыл жасау кезінде АҚШ Энергетика министрлігінің Ядролық қауіпсіздік жөніндегі Ұлттық әкімшілігінің өкілдері ұйымдастырды.

Қазақстан Республикасы Қаржы министрлігінің Мемлекеттік кірістер комитетінен (бұдан әрі - МКК) МКК Әкімшілендіру департаментінің бас сарапшысы З.А. Малдыбаева және Алматы, Астана қалалары мен Атырау, Батыс Қазақстан, Павлодар облыстары бойынша МКД қызметкерлері қатысты. Сондай-ақ, іс-шараға ҚР ҰҚК, ҚР ҰҚК Шекара қызметі, Орал қаласы және Павлодар қаласы әуежайларының авиациялық қауіпсіздік қызметі өкілдері қатысты.

ҚР-дағы АҚШ Елшілігінің өкілі В. Калайджан, МКК-ден З.А. Малдыбаева, ҰҚК ШҚ-дан С.Н. Иманғалиев кіріспе сөз сөйледі. «Екінші қорғаныс желісі» бағдарламасынан Кеннет Маддукс, Дэвид Кордеман және Николас Покровский модератор болды.

Ағымдағы жағдайды таныстыру мақсатында МКК, ҰҚК ШҚ және Қазақстан Республикасы әуежайларының қызметкерлері Еуразиялық экономикалық одақ елдерінің рейстеріне қатысты радиациялық бақылау жүргізудің проблемалық мәселелерін таныстырды және айтылды.

Іс-шара барысында кедендік, шекаралық және авиациялық қауіпсіздік қызметтеріне қатысушылардың аралас топтарының іс-әрекеттері пысықталған болжамды сценарийлер қаралды:

1) багажды беру аймағындағы гамма-сигнал;

2) багажды беру аймағындағы сигналмен бірге жолаушыларды сканерлеу аймағындағы гамма-сигнал (жоғары белсенді медициналық дереккөздер).

Іс-шара авиациялық өткізу пункттеріндегі тиісті қызметтердің өзара іс-қимыл мәселелерін шешудің ең оңтайлы жолдарын іздеумен пайдалы тәжірибемен ашық алмасу және белсенді талқылауда өтті.

Іс-шара соңында қатысушылар ұйымдастырушыларға алғыстарын білдіріп, жұмысты жақсартуды жалғастырудың және осы бағыттағы рәсімдерді жетілдірудің артықшылықтарымен келісті.