«Qaztrack» ақпараттық сервисін пайдалана отырып, алкоголь өнімін (құйылған шарапты (шарап материалын) және сыра қайнату өнімін қоспағанда) таңбалау және қадағалау жөніндегі пилоттық жобаны жүзеге асыру қағидалары мен мерзімін бекіту туралы Қазақстан Республикасының Қаржы министрінің бұйрықтың жобасын (бұдан әрі- Жоба) әзірледі.
Жобаны қабылдаудың мақсаты алкоголь өнімінің түпнұсқалығын растау және сапасына (қауіпсіздігіне) кепілдік беру (шарапты құйып (шарап материалы) және сыра қайнату өнімін қоспағанда), оларды өндірістен түпкілікті тұтынушы алғанға дейін қадағалап отыру жолымен олардың заңсыз өндірілуі мен импортына қарсы іс-қимыл жасау болып табылады.
Жобаны іске асыру республикалық бюджеттен қаржы қаражатын бөлуді талап етпейді.
Жобаны қабылдау теріс әлеуметтік-экономикалық және/немесе құқықтық салдарға әкеп соқтырмайды.
Осы бұйрық 2024 жылғы 11 қаңтарда ашық нормативтік құқықтық актілердің интернет-порталына орналастырылған: https://legalacts.egov.kz/arm/admin/viewcard?id=14933663.
Жобаны жария талқылауды өткізу мерзімі – 2024 жылғы 23 ақпанға дейін.